Postal de Nadal 2017

Bo Nadal e felices festas a todo o mundo

Proxecto Erasmus+ Museo do Tempo Galway-Meis

Xa arrancou o noso proxecto Erasmus+.

Durante os vindeiros 3 cursos (dende 2017 até 2020) desenvolveremos as actuacións previstas, consistentes na catalogación e elaboración de recursos dixitais do noso patrimonio histórico-cultural-natural. O obxectivo é proveer ao noso concello dunha serie de material multimedia (audioguías, folletos, sinalizacións, rutas...) que melloren a oferta turística e a experiencia dos visitantes que se acheguen a Meis.

O noso socio é Colaiste Ignaid de Galway. Este proxecto ten o valor engadido de que Galway no 2020 ostentará a capitalidade cultural europea, sendo presentado neste foro o noso proxecto e as súas conclusións.

Alumnas de 4ºESO en plena elaboración da postal navideña 3D coas imaxes dalgúns dos elementos patrimoniais máis relevantes do Concello de Meis.

Unha pequena mostra do seu primeiro traballo

Ademais para garantir a difusión, temos pechado un acordo con TVG e TG4 para emitir as accións realizadas en forma de corto de animación, onde os rapaces e rapazas falando nas súas linguas vernáculas (galego e gaélico) serán os que relaten logros acadados.
O proxecto tamén pretende pór en valor as linguas minoritarias propias, sendo todos os materiais que se elaboren accesible en gaélico e galego.
Como intercambio de boas prácticas que é, o proxecto prevé que participen 15 alumnos e alumnas do Mosteiro, e outros tantos de Galway cada ano. 90 estudantes en total ao longo dos tres anos que inercambiarán as súas experiencias unha semana, polo que 15 rapaces e rapazas de Meis viaxarán a Irlanda cada ano.
A información das actividades que se fagan dentro do programa Erasmus+ teñen o seu espazo propio na rede no blog ao que se accede a través do seguinte enlace.

Arrancou o proxecto Xornalistas Escolares

Arrancou por fin o proxecto Xornalistas Escolares. Unha idea que nace na aula de Audición e Linguaxe co obxectivo principal de mellorar a comunicación e expresión oral do alumnado dos nosos últimos ciclos de Educación Primaria. Nesta primeira edición poderá apuntarse, de xeito voluntario, alumnado de 4º, 5º e 6º de Primaria.

Os protagonistas son todos os alumnos e alumnas que de xeito voluntario e por parellas, participan neste proxecto piloto e que durante dúas semanas exercerán de xornalistas por todo o centro.

Co seu carné de prensa terán certos privilexios á hora de estar na primeira liña dos eventos máis destacados do centro, saídas ou experiencias novidosas, así como o “dereito á impertinencia”, que lles permitirá preguntar e resolver dúbidas durante todos estos eventos. Aparte poderán solicitar se así o necesitran o emprego temporal dunha cámara de fotos dixital. Tamén serán usuarios directos dunha tablet e un ordenador portátil para a subida dos contidos a este diario. Por último, aprenderán o manexo principal da mesa de mezclas e editor de audio da Radio Escolar Mosteiro Meis.

Ao longo do curso o alumnado que demostre ter mellorado na elaboración de novas e transmisión das mesmas irá adquirindo novos niveis e responsabilidades, categorizadas do seguinte xeito por orde de importancia:

• Becari@
• Plumilla
• Locutor/a
• Director/a
• Técnico de radio

Xa podedes escoitar os programas que eles e elas mesm@s gravan e ler as novas que veñen de escribir no seu diario dixital

https://xornalistasescolares.wordpress.com/ 

Contra a violencia de xénero

Se o outro día eran o alumnado de 3º de Primaria o que co seu video loitaba contra a violencia de xénero, neste caso é a rapazada de 3º pero da ESO a que nos veñen a falar das verbas tóxicas e de cales son os seus antídotos. Non perdades este video que está xenial.

Cambiar está na túa man 25N

#cambiarestánatúaman Este é o hastag co que o alumnado de 3º de Primaria quere mudar as cousas no 25 de novembro Día Internacional da Eliminación da Violencia contra a Muller. Un día importante e que elas e eles consideran que as cousas poden cambiar dende xa e que o cambio está na man de cada un. Comezando por eliminar as malas palabras que provocan o maltrato e a violencia.

Galiciencia 2017

Nuns días seguro que poderemos escoitar da mesma voz de Milena e o profe Camilo a xenial experiencia que foi este ano Galiciencia.

Polo de pronto aquí podedes ver un video resumo do traballo co que participaron: "Do pizarrín á pizarra dixital".

Galiciencia 2017

De novo un ano máis o CPI Mosteiro Meis acudirá a Galiciencia da man do profe Camilo e o alumnado de 4º da ESO. E xa é o cuarto ano!  Noraboa polo traballo!

As encargadas de representarnos serán dúas rapazas: Sandra e Milena. Moita sorte compañeiras!

https://www.lavozdegalicia.es/noticia/arousa/o-grove/2017/11/17/valle-inclan-mosteiro-colegios-elegidos-galiciencia/0003_201711A17C5991.htm

Asasinatos no CPI Mosteiro Meis

Á mañá do 3 de novembro amencía cun algo distinto no ambiente que se respiraba no CPI Mosteiro Meis. Na primeira hora, unha inquietante nova chegaba a todas as aulas de primaria.

Viñan de producirse unha serie de asasinatos no edificio da radio escolar. Pero non só iso, o profesor de secundaria Fernando, estaba desaparecido e os investigadores da policía tan só atoparon este inquietante video da cámara de seguridade da radio.

O alumnado máis valente, así como algúns dos profesores decidiron entrar na casa acompañados do Teniente Prado da Guardia Civil e máis do Doutor Cabaleiro, médico forense, a ver se eran quen de descifrar o que alí acontecera, sen embargo, as imaxes resultantes desa aventura son se cabe máis escalofriantes e terroríficas. Mirade.

Manifesto contra os lumes en Galicia

Dende o CPI Mosteiro Meis quixemos facernos eco da barbarie que sufriu a nosa terra durante estes días. Cun manifesto en contra dos lumes e un minuto de silencio en lembranza das vítimas quixemos deixar patente que Galicia non arde senón que estana a queimar #ardegalicia #queimangalicia

Volta a escola

Benvid@s un ano máis a un novo curso escolar. Agardamos que collérades boa enerxía durante as vacacións de verán porque isto está a puntiño de comezar. Ánimo a todo o mundo e benvid@s!

COMEZA O CURSO 2017-2018

Fin de curso co SOLIFESTI

Pois si amighiñ@s, o final deste fantástico curso chegou ao CPI Mosteiro Meis e fíxoo do mellor xeito posible, cun festival solidario no que participou tanto alumnado como profesorado e músic@s de toda a bisbarra. O evento foi de tal magnitude que incluso o Faro de Vigo fíxose eco.

Despedimos xa o curso e non o podemos facer sen darlle as gracias a todos, os que viñeron novos e aos que se van, a todas as familias, profesorado, compañeiros e compañeiras que traballan no centro e por suposto á nosa razón de existir, ao noso querido alumnado.

Desfrutade das merecidas vacacións! Vémonos en setembro!

Preme na imaxe para ler a noticia completa

VINDE AO SOLIFESTI!

Este xoves 22 de xuño celebramos o 1º Festival Solidario do CPI Mosteiro Meis, o SOLIFESTI para recaudar fondos e axudar ao pobo Sirio. E o remate dun proxecto que este ano levou a cabo o centro. O xoves haberá actuacións de grupos de profes e outras bandas da zona e de Pontevedra e Vigo que amenizarán unha xornada na que toda a comunidade educativa se dará cita no Campo da Feira de Mosteiro (Meis). Haberá comida, bebida e moita festa!

Non faltedes! 

VINDE AO SOLIFESTI!

Obradoiros de filosofía

O alumnado de 1º e 2º de Primaria participou durante este curso nun obradoiro de filosofía.

Durante dúas sesións á semana estes nenos e nenas traballaron ideas como: autocoñecemento e personalidad, empatía cos demáis, resolución de conflictos... a través de vídeos, imaxes, traballos en grupo e debates.

 A experiencia gustou tanto que xa pensamos en repetila para o curso que ven!

 

Finalistas no Olloboi

O traballo feito para o día das Letras Galegas polos profes Raúl, Manuel e Fernando está de finalista no concurso de curtas e videos escolares Olloboi como a mellor Banda Sonora Orixinal. Agardemos poder traer o premio nuns días. Estade atent@s!

Este domingo 28 III Cross Escolar Solidario

Este domingo 28 celebrarase o III Cross Escolar Solidario, aínda estades a tempo de participar. Tedes toda a información aquí.

Dádevos presa que todas estas copas agardan por vós.

A vida de Carlos Casares en RAP

Para festexar o día das Letras Galegas que este ano 2017 homenaxea a Carlos Casares, nunha aula do CPI Mosteiro Meis o alumnado retou ao seu profesor a que lles rapeara a vida de Carlos Casares.

E este foi o resultado.

Planetario na nosa Bibliomosteiro

A nosa BiblioMosteiro convertiuse por un día nun marabilloso planetario no que o alumnado de 5º de Primaria guiou ao resto da primaria por unha fantástica viaxe sobre a orixe do universo, o sistema solar, as estrelas e as constelacións.

Música, proxeccións, realidad aumentada, tablets, xogos e contos foron algunas das actividades que se levaron a cabo durante estas xornadas astronómicas. Mirade este vídeo como pequeno exemplo de o que alí aconteceu.

Xornadas gastronómicas de Granada

Onte celebráronse no centro unhas novas xornadas gastronómicas adicadas a Granada.

O alumnado puido desfrutar dun menú composto por salmorejo, remojón granaíno, carne ao estilo granaíno e pionono de postre. Ademáis o comedor convertiuse nun improvisado "tablao flamenco" no que a cantante Ángeles, acompañada do percusionista granadino José Velero e dos mestres Raúl e Javier interpretaron o tema "En lo alto del cerro de Palomares" da cantante granadina, Estrella Morente. A estas xornadas asistiu o Director Xeral de Centros e Recursos Humanos da Xunta, José Manuel Pinal.


http://www.lavozdegalicia.es/noticia/arousa/2017/04/26/ninos-cpi-mosteiro-saborean-cocina-granada/0003_201704A26C11994.htm

Aquí podedes ver o menú do que desfrutamos en todo o cole

Agua es

O alumnado de 4º de Primaria ven de sorprendernos cun xenial video onde interpretan unha versión do tema "Agua es".

En relación directa con todo o traballo que se está levando a cabo co ciclo da auga e o selo de Centro Solidario que nos ven de outorgar a ONG Save the Children, o alumnado deixou boa conta do talento musical que atesouran. Mirade, mirade.

Asemblea científica inaugural do Club de Ciencia

Como vos viñamos contando o CPI Mosteiro Meis foi escollido xunto con outros 9 centros en toda Galicia para comezar cun programa piloto da Xunta de Galicia sobre clubs de ciencia.

O pasado 6 de abril de 2017 levouse a cabo a asamblea científica inaugural na que participaron entre outros:
- José Antonio Barros: profesor de Física e Química do centro
- Ofelia Barral: concelleira de cultura do concello de Meis
- Luis Camilo Fernández: director do centro
- O alumnado representante de cada curso da ESO e de Primaria do centro.
- Sandra Serén, alumna de 4º da ESO que actuou como moderadora.

No seguinte video podedes ver como transcurriu esta xuntanza da que sairán as experiencias e preguntas que se irán resolvendo nos vindeiros días. Estade atent@s a esta canle para ir descubrindo como avanza o noso "Club de Ciencia".

Olimpíadas escolares

Coa chegada da primavera os de 4º de Primaria botáronse ao patio decididos a aprender dun xeito distinto. Xa están aquí as olimpíadas escolares!

Un bo exemplo é a proba de "Dictado á carreira", non perdades o video onde nos explican como é esta proba tan divertida.

Proceso dixestivo

Os de 4º de Primaria están convertíndose en documentalistas e decidiron comezando facendo unha pequena reportaxe en video sobre o proceso dixestivo. Non vos perdades o chulo que lles quedou.

Maestros con los niños de Siria

A bitácora dixital Maestros con los niños de Siria faise eco do traballo solidario que fixemos dende o centro para sensibilizar e apoiar aos nenos e nenas que sufren inxustamente este conflicto.

 

http://maestrosconlosninosdesiria.blogspot.com.es/2017/03/cartas-siria.html

Club de ciencia

Outra vez estamos de noraboa xa que o noso querido CPI foi escollido xunto con outros 9 centros de Galicia para participar nun programa de Innovación Educativa chamado "Club de Ciencia".

Agora o profesorado e o alumnado están traballando para organizar este fantástico programa que dará a oportunidade dun novo modelo de aprendizaxe para o noso alumnado baseado na ciencia.

Moi pronto teredes máis novas de que todo o que imos facer.

O novo blog dos Correspondentes Xuvenís

Aínda non coñecedes aos Correspondentes Xuvenís 3.0 do CPI Mosteiro Meis? Pois xa estades tardando porque eles/as distribúen toda a información que a ti como rapaz ou rapaza nov@ pódeche interesar. A info ven dende a OMIX (Oficina Municipal de Información Xuvenil) do concello de Meis e dende a Dirección Xeral de Xuventude.

Que aínda non sabes onde podes atopar toda esa info? Pois apunta porque teñen un blog que é unha pasada! Mira, mira!

http://correspondentesmosteiromeis.blogspot.com.es/ 

Centro solidario comprometido coa infancia

A ONG Save the Children ven de escoller o noso centro como Centro Solidario comprometido coa infancia.
https://www.savethechildren.es/centros-educativos/materiales-educativos/convocatoria-ix-edicion-marcapaginas-por-la-solidaridad

Videoconferencia sobre nanotecnoloxía e medicina

Dende o centro tivemos a oportunidade de charlar coa científica pontevedresa Silvia Varela, nunha videoconferencia na que participou o alumnado da ESO e que foi moi pero que moi interesante.

 

A prensa tamén se fixo eco da nova que podedes ler aquí.

E próximamente colgaremos un video desta charla tan interesante.

O elefante e a galiña

Os nenos e nenas de 1º de Primaria estiveron traballando un conto fermoso do libro "Palabras de África" que remataron cun videomontaxe da historia.
A historia titúlase "O elefante e a galiña" e pouco a pouco elaboraron os materiais e a historia. Despois de varios ensaios gravouse todo na aula e este foi o resultado. Agardamos que vos guste.

Visita do Conselleiro de Educación Román Rodríguez

Hoxe tivemos no centro a visita do Conselleiro de Cultura, Educación e Ordenación Universitaria, Román Rodríguez González. Estivo visitando as instalacións e aproveitamos a ocasión para facerlle unha entrevista na nosa Radio Escolar Mosteiro Meis, a cargo nesta ocasión de Jorge e de María de 6º de Primaria.

Na foto de esquerda a dereita: María, José Luis Pérez Estévez (Alcalde de Meis), Román Rodríguez González (Conselleiro de Cultura, Educación e Ordenación Universitaria), Cores Tourís (Delegado Territorial da Xunta), Jorge e Luis Camilo Fernández Álvarez (Director do CPI Mosteiro Meis)

Somos portada de "La Voz de Galicia"!

Hoxe sábado 18 o noso querido cole é portada da prensa "La Voz de Galicia" co motivo das xornadas grastronómicas e todo o proxecto de sensibilización sobre a situación Siria e d@s nen@s refuxiad@s.

Preme na imaxe para ler a noticia completa 

Xornada Gastronómica de Siria e Peto Solidario

Dende o CPI Mosteiro Meis este ano vólvense a celebrar unhas xornadas gastronómicas pero nesta ocasión centradas na sensibilización sobre o conflicto sirio que dende o centro estase levando a cabo con todos os niveis escolares dende o Día da Paz.


Ademáis iniciase unha campaña de "Peto solidario" para axudar ao pobo Sirio dende o centro.

Cartas a Siria - Día da Paz

Seguindo coas celebracións relacionadas co Día da Paz e o conflicto sirio, viñeron á Radio Escolar Mosteiro Meis, Xosé Ramón e Maica de 6º de Primaria e Paula e Milena de 3º da ESO a lernos as súas cartas que foron escollidas entre todas as escritas polo alumnado e faláronnos tamén dalgunhas das actividades que se están preparando na escola para poder colaborar con refuxiad@s siri@s.

Videoconferencia co Astral

Dentro dos actos de sensibilización co conflicto sirio polo Día da Paz deste ano 2017, incluiuse unha actividade de videoconferencia coa tripulación do barco Astral da ONG Open Arms que se atopa nas costas gregas, en Lesbos, tratando de rescatar aos refuxiad@s que escapan do horror da guerra.

Vimos o vídeo  do programa de Salvados de Jordi Évole e despois fixémoslles preguntas sobre o seu traballo.

Día da Paz 2017

Co motivo do festexo do Día da Paz este 30 de xaneiro sensibilizamos ao alumnado de Primaria sobre @s nen@s refuxiad@s de Siria. Na clase explicouse o motivo de que Siria esté en guerra e puidemos entender mellor o que sinten @s nen@s dese país con videos como este de Save the Children ou este outro de UNICEF.

Dende as clases de 3º de Primaria, o alumnado gravou unha serie de mensaxes de esperanza e ánimo para @s nen@s que por causa da guerra non poden voltar ás súas casas. Este foi o resultado.



Ademáis todas as aulas de primaria fixeron un traballo conxunto elaborando un collage coa figura de Nelson Mandela e unha das súas frases máis emblemáticas. O resultado foi espectacular como podedes ver na imaxe e pasará a estar colgada enfronte á figura de Gandhi feita no curso anterior nas que se darán por chamar as "Escaleiras para a Paz".

A curta de 4º da ESO sobre a violencia de xénero na RTVG

O programa A Revista FDS da TVG fíxose eco do traballo do alumnado de 4º da ESO e a súa curta "#NONPASESDETODO Rexeita o maltrato" achegándose ata o cole a facer unha reportaxe sobre o tema que podedes ver premendo na imaxe.

Booktubers de Mosteiro Meis

Os booktubers son unha nova tendencia xuvenil que nos últimos anos ven destacando nas distintas redes sociais, sobre todo en Youtube. Adolescentes de entre 11 e 30 anos, describen na Rede os últimos libros que acaban de ler.
Con miles de comentarios e millóns de visitas nos seus videos, veñen de converterse nun fenónemo imparable.

Dende o Club de Lectura da nosa Bibliomosteiro comezou unha idea para darlle voz a todo o alumnado que quera convertirse en booktuber.

Bitácora do club de lectura

O "Club de Lectura" do CPI Mosteiro Meis estrea bitácora nesta ligazón:
http://clubdelecturacpimosteiromeis.blogspot.com
E que mellor forma de facelo que a través dun divertido video do reto "Mannequin Challenge", mirade mirade.