Excursión a Santiago de Compostela

 

 Como remate ao proxecto de historia que o alumnado de 4º de Primaria estivo traballando neste último trimestre, o venres 14 de xuño visitamos a fermosa cidade de Santiago. Recorrimos a súas históricas rúas e prazas axudados por audioguías e mapas sen perdernos! Quedamos abraiados coa fachada do Obradoiro, puidemos abrazar ao Apóstolo Santiago e encantounos o Pórtico da Gloria, a gran xoia do románico recién restaurado.

 

Os pesos das mochilas

  Despois da gran experiencia que foi asistir a Galiciencia co proxecto sobre o peso das mochilas, faltábanos compartir os datos cos nosos compañeiros e compañeiras. Estes días o alumnado de 4º de Primaria está a facer pequenas demostracións de como colocar a mochila, que peso podemos levar, que problemas corporales poderíamos ter no futuro...

Viaxamos á Prehistoria dende Campo Lameiro

  O alumnado de 1º,2º e 4º de Primaria visitou o Parque Rupestre de Campo Lameiro para iniciar os  proxectos sobre a Prehistoria. Alí fixeron varios obradoiros de cerámica, fogo, petróglifos... e aprenderon moitas máis cousas sobre como viviron os nosos antepasados en Galicia.

Obradoiro de cerámica

Coñecendo os petróglifos

GALICIENCIA 2019

  O alumnado de 4º participou nesta edición de Galiciencia 2019 co seu proxecto "O peso das mochilas escolares". Despois de moito traballo no cole de recollida de datos, análise da información e búsqueda de solucións presentaron o proxecto xunto cos compañeiros e compañeiras de 5º de Primaria e 3º da ESO do Club de Ciencias. Parabéns para todos os nosos científicos e científicas!!!

Cúpulas de Leonardo

  Todo o alumnado do CPI Mosteiro Meis participou neste interesantísimo reto do departamento de Matemáticas e o Club de Ciencias: construir as chamadas "Cúpulas de Leonardo". Son 11 estructuras xeométricas diferentes formadas por piezas de madera encaixables que precisan de moito traballo en equipo!

                  

XA TEMOS NOVO LOGO NA RADIO

Despois dunha longa e impaciente espera por fin temos resolto o concurso do novo logo da radio. O gañador é...

De Juanmi de 4º da ESO. Noraboa! E gracias a tod@s por participar

21 de marzo: Día da Poesía

Como conmemoramos o Día da Poesía os nenos e nenas de 4º de Primaria? Pois coa mellor compañía: da man de Frederick, o rato poeta máis famoso do mundo. O fermoso conto de Leo Lionni feito kamishibai gracias a Irene, Simón, Amanda, Antón e Samu.

Obradoiros de fraccións

   

Que sorte tiveron os alumnos e alumnas de 4º de Primaria! Iniciáronse no mundo das fraccións da man dos mellores profes do CPI Mosteiro Meis! Varios voluntarios e voluntarias de 1º ESO A e B prepararon tres obradoiros diferentes con pezas Lego, cubos de Rubik e material manipulativo imantado e pasamos unha sesión xenial traballando as mates.

 

      

O cubo de Rubik triunfa no cole

Aproveitando que a moda do cubo de Rubik votou polo CPI de Mosteiro Meis dende o departamento de Matemáticas de Secundaria organizáronse uns encontros no patio para aprender técnicas e algoritmos que resolvan as caras do cubo. Nenos e nenas de secundaria fixeron de profesorado, mostrándolle ao resto como resolver este enigma cúbico.

A actividade foi un éxito rotundo.

https://www.diariodearousa.com/articulo/o-salnes/furor-cubo-rubik-regresa-meis-convierte-alumnos-profesores/20190214002157233647.html

Bo nadal

De parte de todo o alumnado e profesorado, agardamos que teñades un Bo Nadal!

Bo nadal de parte do alumnado de sexto

O alumnado de sexto quere felicitarvos as festas cun video aproveitando para enviar unha mensaxe aos Reis Magos, para que teñan cabeciña nestas festas

Visita ao Concello de Meis

  Como remate dos proxectos " A nosa localidade" de 2º de Primaria e "Institucións e organismos públicos" de 4º de Primaria, hoxe visitamos o concello de Meis. O alcalde recibiunos no Salón de Plenos e contestou a todas as nosas preguntas.

Excursión á Coruña

  Menuda saída científica que fixo o alumnado de 4º e 6º de Primaria! Pola mañá o MUNCYT, cheo de inventos, robots...e, o mellor, a cabina dun avión! Pola tarde, un paseo marítimo repleto de datos históricos e, para rematar, visita á Casa das Ciencias, a mellor forma de fomentar o espíritu científico dos nenos e nenas!!

                                                                                              

Xogando a multiplicar

Aprender as tablas de multiplicar é moi divertido! Os nenos e nenas de 4º de Primaria xa as saben moi ben e  organizaron uns obradoiros de xogos para que os seus compañeiros e compañeiras de 3º tamén as aprendan.

25N o CPI Mosteiro Meis en contra da violencia machista

Durante esta última semana leváronse a cabo no centro varias actuacións para concienciar ao noso alumnado sobre a lacra da violencia machista. O alumnado de secundaria e primaria gravou un rap, leuse un manifesto en contra da violencia, publicáronse traballos plásticos, presentacións divulgativas e un longo etcétera. Ademais, fixéronse varios videos que iremos publicando na nosa bitácora.

Hoxe traemos a versión do tema "La Puerta Violeta" de Rozalén que fixo o alumnado de 2º, 3º e 4º de Educación Primaria. Un emocionante alegato en prol da liberdade das mulleres que cada día sofren maltrato na nosa sociedade.

As historias de 2ºB

O alumnado de 2ºB ven de elaborar unhas historias ben chulas. Debuxáronnas de marabilla e decidiron que era boa idea compartilas con tod@s vos. Cremos que foi boa idea, botádelle un ollo e a ver se vos gustan tanto como a nós :)

O noso magosto

Este ano desfrutamos dun Magosto marabilloso. O tempo acompañounos para asar as castañas, e un ano máis o profesor Julio Tato, agora xa xubilado, demostrou o seu bo facer como castañeiro. Tamén viñeron o profe Adolfo e o profe Manolo. Ademais a celebración fíxose conxuntamente entre secundaria e primaria, desfrutando desta xornada festiva non só o alumnado senón tamén todo o profesorado nas distintos xogos e actividades que se levaron a cabo.

A polo desfibrilador

Falta pouco para vender as 800 pulseras solidarias e ter o noso desfibrilador. Animádevos!

Noticia en La Voz de Galicia

En sexto temos nova web!

Que sorpresa nos levamos esta semana ao descubrir a chulísima web que estrean os de sexto. As rapazas e os rapaces maiores de primaria preséntanse mediante este medio tan moderno. Non vos perdades nadiña porque ademais de supercolorida está chea de información moi interesante.

Premede na imaxe se queredes saber máis

Proximamente

Estade atentos/as á canle de youtube do cole porque proximamente poderedes ver unha estrea internacional