Rexeita o maltrato #NONPASESDETODO

Co #hastag #NONPASESDETODO e co motivo do 25N, "Día Internacional da Eliminación da Violencia contra a Muller" o alumnado de 4º da ESO elaborou unha curtametraxe no que se denuncia a indiferencia na adolescencia da problemática do maltrato contra a muller.

Partindo dunha idea orixinal do Departamento de Orientación e coa axuda do mestre de Audición e Linguaxe rodaron nos interiores e exteriores do centro as escenas que conforman esta curta. A rodaxe durou catro días e participou un reparto de actores e actrices da clase de 4º da ESO con Mónica Camiño e Rubén Pérez como protagonistas e con Sandra Serén, Anxo Iglesias e Pablo Martínez como parte principal do equipo técnico.


O venres 25 de novembro levouse a cabo un acto de sensibilización nas aulas de secundaria e de terceiro ciclo de primaria, no que os protagonistas e parte do equipo técnico presentaron a curta e levaron a cabo unha rolda de preguntas.

A prensa escrita e dixital fíxose eco da curta publicando dúas novas sobre o tema. Nova 1. Nova 2